Booshi Wever tabata na parlamento unda cu el a haci entrega di un carta caminda cu e ta vocifera su preocupacionnan pa loke ta e maneho y e manera cu Parlamento ta purbando di bulldoze e ley di maneho di sushi.
E ta conta cu e minister a bisa cu e ley di Serlimar tin un prioridad cerca dje. Despues ta tende Alan Howell papia cu ta bay pasa e ley as is sin ningun investigacion.
E preocupacion a bira hopi grandi pasobra ta haya cu apesar cu a entrega un denuncia oficial contra Otmar Oduber, ta parce cu ningun hende ta worry cu esaki.
Siman pasa a entrega un carta tambe di rappel cerca Offcier van Justitie pa bis’e con ta para cu e investigacion aki pasobra ta kere cu locual cu a sosode den e caso aki di compra di e incinerator chikito, ta algo grave pa Aruba, unda cu no por sigui asina.
E ex mandatario a splica cu por a scucha diahuebs e reunionnan cu tabata tin riba Bo Aruba, conclusion di Wever ta cu Otmar tabata un hopi bon alumno.
Loading…
Reload document 
Open in new tab E tin cu kere kico a pasa cu e proyectonan aki. Otmar a bay un tiki mas leu. Aparte cu tabata tin hopi malgastamento di placa, den e caso di compra di incinerator chikito, tabata tin hopi corupcion. Ta cos cu ta bale la pena pa ilustra na pueblo. Esun cu tin cu haci e trabao aki ta Parlamento.
P’esey a entrega e copia di e denuncia. A duna e USB cu tur e documentonan cu a ricibi for di Otmar Oduber. Ta kere te hasta cu tin hopi mas documento. Pero tin documento si cu no a haya.
Hopi hende ta papia di fake. Esaki ta sigur cu e documentonan aki ta documentonan cu a haya di Otmar mes. No por bin papia awor aki di fake. Ora cu tende parlamentarionan papia diahuebs den Staten, awor ta e momento pa e di 10 Parlamento demostra cu nan no ta simplemente un otro Parlamento, sino un Parlamento otro.
Tin peticion na CAFT y na ARA pa haci investigacion riba esaki. No tin otro caminda pa haci un investigacion, tanto financiero, como forensico na Serlimar. No solamente pa e compra di e incinerator chikito, sino pa tur cos cu a pasa e ultimo lunanan. Eynan ta sigur cu hopi hende sa cu esaki ta yena cu corupcion.
Contractnan lucrativo ta wordo duna na colega, amigo y sponsor. Pa menciona uno, unda cu Alan Howell, cu tin un conflict of interest. Por ta el a cambia su doño di e negoshi, pero sin un destaho drechi, e tin e contract, no di awo, sino di hopi tempo caba. Tempo cu e tabata coordinador di Benny Sevinger, el a haya contract di security na dump.
P’esey e tin miedo, pa asina pasa e ley aki pa caba pa e wordo paga. E ley aki no tin nada di haber, cu si bo cera Prikibos si of no, pa laba cabes di Otmar y pasa mas medida na e comunidad Arubano.
