Adicto a kibra horta den auto di turista

Awe mainta un adicto ambulante a kibra un bentana pa drenta horta for di un auto di huur cu tabata staciona den Rifstraat, banda di edificio unda antes tabata Ministerio Publico. A manda un patruya di Polis na e sitio pasobra turistanan a yega nan auto y hay’e kibra. Un testigo a indica na e sitio cu e conocido di Polis “Bin Laden” lo a comete esaki, mientras cu a señal’e den vecindario di U-Wanna Beer. Polis a busca den e area pero no a tope cune.

Durante cu e patruya tabata atendiendo cu e turista e adicto “Bin Laden” a cana pasa bay. Debi na nos leynan ta impedi pa Polis actua fuera di e ora di e crimen, no por a detene. Afortunadamente a logra topa cun’e den Ranchostraat despues di a ricibi un instruccion for di Fiscal pa detene. A bis’e nan derechonan y a transport’e pa Warda di Polis pa e duna cuenta.