Awe nochi pa mas o menos 6:20pm a start un problema di pareha patras di Rat Land na Palm Beach. Aki un homber a agredi su pareha, pa cual testigonan a yama Polis mesora. Pero ora autoridad a yega, e homber a sali na careda pa cual a cuminsa un persecucion den area di hotelnan Highrise.
Na altura di Playa Linda Beach Resort a logra gara e homber y mand’e tera pa evita cu e ta sigui huy pa husticia. E homber tabata herida, pero asina mes a deten’e y a transport’e pa ward’i polis pa mas investigacion.
Ey lo present’e dilanti un Sub Fiscal pa dicidi riba su encarcelacion y posibel persecucion penal. Ta depende si su pareha entrega keho. Por corda cu ora e ultimo Procurador General a bandona Aruba, cu Polis tin e autoridad pa deten’e abusadonan mesora, aunke e victima no entrega keho.
