Diadomingo atardi pa anochi a drenta yamada cu den misa Fatima na Dakota tin un homber actuando manera loco. El a drenta misa y cay sinta. Ora cu pastor tabata bezig cu e parti di consegracion, diripente e homber a subi altar y kier a haya Santa Hostia e momento ey.
Mesora un Ex Polis Krozendijk sirbiendo misa, a bay riba e persona. A bise cu e no por subi altar e momento ey. A logra den un forma tactico move for di e sitio y el a bay sinta bek.
E homber kier a paga belanan y tabata tin handschoen y paña militar bisti. Finalmente ora a yega e momento di parti Santa Hostia a yama Polis. Polis a yega pero ora di Santa Sacrificio di Misa Polis no por stroba. Pesey mes Polis a keda warda. Despues ora misa a caba keda di papia cu e conocido di Polis Geerman cu ta un adicto ambulante. Trankilidad a reina atrobe.
Tabata preocupa cu e comportacion di e adicto aki pasobra ademas tabata tin placa di Collect cu e por a coy core bay. Finalmente cos a caba bon sin incidente. Asina mes tabata kier pa e persona keda leu di misa y kapel cu tabata keda habri te anochi laat. Ora misa a caba e no kier a bandona e misa. El a keda eyden. Ta Polis a logra atende cune pa e bandona e misa.
