A purba lanta cu Polis: Autoridad a cuminsa confisca brommer riba caya

A purba lanta cu Polis: Autoridad a cuminsa confisca brommer riba caya

A purba lanta cu Polis: Autoridad a cuminsa confisca brommer riba caya

Posted by 24ora on Sunday, March 17, 2019

Tur cos tin un limite. Limite a yega. Na San Nicolas Polis tabata tin basta dolor di cabes cu motociclistanan iresponsabel. Tabata tin ta comporta nan mes masha bon y cu nan papelnan na ordo.

ADV

Tog tin algun cu tabata daña e trankilidad. Polis no por keda henter atardi y anochi ta purba trece trankilidad. E seguridad ta importante. Despues di e problemanan cu brommernan na Sero Colorado, un grupo a bin aglomera dilanti Julios Bar den Bernhardstraat. Polis a keda pasa vigila e area pa evita cu Fever ta cuminsa.

Dimes Polis no por keda henter anochi ta bay bin pa nan. Na dado momento ora cu Polis a bay atende otro asunto, fiesta a cuminsa riba caya. E marcanan riba caya ta confirma fever y inseguridad di e motociclistanan iresponsabel. Polis a blokia caya varios caminda pa asina por pone un fin na e intrankilidad y peliger pa nan mes y otronan. Ora a controla e brommernan, tabata tin uno di exterior cu Polis a para. Tabata un sportbike sin number riba dje. Polis a dicidi di confisca e brommer. Eynan e problema a cuminsa pasobra nan a cuminsa lanta cu Polis. E polisnan a pidi refuerso mesora. Unidadnan di San Nicolas, Santa Cruz y Trafico a presenta na e sitio. Na yegada mester a scucha e grito di e motocilistanan tambe di afo cu kier a stroba Polis di bay cu e brommer.

Polis a mustra e grupo gritando y strobando trabou di Polis cu nan lo kita e brommer y nan lo bay cu esaki. E gritonan di menaza no a yuda masha pa stroba Polis. Takelwagen a yega y nan a confisca e brommer bay cune warda. Esaki ta mensahe cla pa esnan cu kier bay causa problema, pa tene cuenta cu Polis lo actua. Si bo ta den e area cu e grupo cu ta causando problema y peliger pa trafico, e chens pa pasa den control di Polis ta grandi. E chens di keda na pia tambe ta grandi.

Comments

comments