E muchanan di Play2Whizz Campus a presenta nan proyecto. Nos a papia cu Maruska Croes, docente na Play2Whizz, kende a splica cu a haci un exposicion di proyecto cu e muchanan a haci.
T’asina cu e muchanan ta traha segun tema y den nan di dos semester, e tema tabata Landfarms. A base di e tema ey, e muchanan tabatin mag di scoge cua di nan, nan ta presenta pa nan proyecto.
E ta splica cu un semester na Play2Whizz ta basta largo. Nan ta haya dos luna pa traha riba e proyecto y conhuntamente cu nan mayornan, nan por hinca e proyecto den otro.
Pero durante e tempo cu nan ta na scol, nan ta haya informacion, ta bishita diferente luga, ta haya les riba landfarm cu tin na Aruba pero tambe cu tin afo. E ora nan por scoge cua di nan, nan kier.
Ora cu pasa den e exposicion por ripara cu tin landfarm cu tin na Aruba y tin cu no ta na Aruba. E ora ey nan ta present’e, treciendo dilanti informacion di kico nan landfarm ta presenta y lo informa si e ta na Aruba of no, etc.
Por mira di parti di e mayornan cu nan ta hopi entusiasma, dispuesto pa traha cu e yiunan, cual ta hopi importante. No solamente camnda e mucha ta traha les pa scol, sino e envolvimento cu e mayor. Segun Croes, nan ta traha hopi cu e mayor. Ta papia caba aki di Play2Whizz comunity, pasobra nan ta traha hunto cu e mayor y e muchanan.
PLAY2WHIZZ
Play2Whizz Campus ta un scol na Ingles. Nan ta sisterschool di Educampus (Lower Elementary). E muchanan ta cuminsa cu kleuter, despues junior kindergarden, senior kindergarden, 1st grade, 2nd grade. Otro aña ta habriendo 3rd y 4th grade. Ta trata di un enseñansa personalisa.
Pa tuma contacto cu Play2Whizz, por bay riba nan website cual ta www.play2whizz.org. Eyriba ta haya tur informacion di e scol. Tambe por haya e number di contacto cual ta 5935559. Pero si bay riba e website, eynan por haya tur informacion y por haci un pre- registracion. Ora haci esaki, e ora por haya un cita pa informacion encuanto e curiculo y un rondleiding di e scol.
E ALUMNONAN
E muchanan mes ta hopi entusiasma cu e proyecto aki. A papia cu varios di e alumnonan. Mishiko Vis ta un di e alumnonan, kende a expresa cu e ta yega scol, e ta haci su pledge. Despues e ta bay den klas, coy su laptop pa e por traha ariba. Despues tin biaha nan ta bay den bus na diferente caminda. Pa loke ta e proyecto, el a haci cuater diferente. El a haci un waterval, un riu, un selva y un gletjer. Su mama t’esun cu a yud’e, el a conta, pero no hopi.
Joseph ta un otro alumno, cu a haci su proyecto. El a traha un pond. El a pone den e pond un cayman, un dori, un zwaan. Su mama a yud’e haci e proyecto aki. Tur loke e ta haci na scol ta hunga y tambe siña cos nobo tur dia.
