Cu e colection y reciclahe di plastic pa un di e cadena di hotelnan mas grandi di Aruba, e organisacion Arubiano Plastic Beach Party (plasticbeachparty.com) oficialmente ta lansa su servicio pa recicla plastic na Aruba.
Durante e test phase, a colecta y recicla 108 kilo di plastic for di dos hotel di e cadena Divi Resorts. E plastic aki a wordo procesa como materia prima cu por wordo uza pa produci un variedad di producto nobo. “E succes di e piloto a prepara e escenario pa nos tin mas impacto den futuro, y asina nos por cuminsa colecta mas plastic y crea producto sostenible cu esaki” – segun Mettes, co-fundador di Plastic Beach Party.
Como empresa social, plastic beach party a traha various machine pa corta plastic y produci materia prima pa traha producto nobo di plastic. Uzando diseño for di internet pa haci esaki. “ E productonan cu nos ta trahando di e plastic recicla ta diseña pa reduci uzo di plastic cu ta wordo tira afo, por ehempel ta inclui copi cu por wordo re-usa, barisushi, y productonan specifico mane trofeo, yabero, joyas y tegel pa muraya. Pero mane nos sa tur cos por wordo traha di plastic, mas ainda cu technologianan nobo mane 3D printing” – segun Mettes.
Divi ta e prome hotel cu a uni nan mes na e esfuerso pa recicla plastic. E empresa ta spera cu mas hotel como tambe, famianan y otro empresa uni nan mes na e esfuerso pa recicla plastic. Aunke e meta primario di e initiativa ta pa proteha e medio ambiente di Aruba, Christie ta menciona cu sin un modelo financiero esaki no lo ta sostenible. Aruba a importa mas di 6000 ton di plasitic na 2015 (UN Comtrade, 2016), casi 50% di e esaki a wordo usa den e sector turistico. Actualmente, mayoria plastic ta termina na Parkietenbos. Sin barriera entre lama y e dump y cu candela frequente, hopi di e plastic aki por dentra nos aire y lama. Afectando no solamente nos mangrove y reef, pero tambe nos calidad di bida y salubridad.
“Plastic ta un di e problemanan mas grandi pa nos medio ambiente special e bida marino, no na Aruba so pero na mundo henter” – Christie ta splica. Na Aruba nos ta depende di nos economia turistico, nos beachnan y nos sector di pesca. Pa nos mantene esakinan nos tin cu stop cu e ciclo di consumo di plastico y processa e plastic cu ta wordo usa den un forma responsable. Pa haci esaki nos tin cu cambia con nos ta wak plastic; pa e no ta algo cu bo por tira afo y lubida di dije.”
Como leader den turismo sostenibel ta natural cu Divi Resorts ta e prome hotel pa cuminsa recicla plastic cu Plastic Beach Party. Ya caba Divi a inverti den energia solar, reciclahe di awa, copi reusable, y no ta uza straw di plastic como resultado Divi a wordo reconoci door di varios programa di certificacion. Di acuerdo cu nan Energy Manager Mr. St Jago “Divi ta orguyoso di ta e prome hotel na Aruba pa inverti den e reciclahe di plastic. Esaki ta un inversion importante pa Aruba su beachnan y e industria turistico. Nos ta spera cu hopi mas hotel lo sigui.”
Esnan interesa den recicla plastic por bishita e website www.plasticbeachparty.com y tuma contact cu plastic beach party na[email protected], of via whatsapp na +2976302475 of wak nan durante Cadushi Festival dia 21 di December.
Plastic Beach Party ta un projecto cu a sali for di Brenchie’s Lab, localisa de e Academy of Fine Arts and Design of Aruba (ex brenchies).
