Corsou a mandaedad di pensioen den un tiro na 65 aña. Tabata algo bastante drastico berdad, pero el a yuda un tiki, pero no suficiente. For di e tempo ey tabata sa cu si economia no crece, bo fondo di AOV ta den problema. E problema ta sigui bira mas pio, segun minister Hensley  Koeiman. E hecho cu bo a tuma un medida pa yuda e fondo, no a resolve completo.

Espacio pa aumento

Dificilmente tin espacio pa aumento pa e pensionado, aunke cu tin di bay wak con ta bay haci’e si, pasobra e gobierno aki kier bay traha riba combatimento di pobresa. Tin rapport ta mustra unda e pobresa ta sinta. Ta algo cu mester atende di un forma diligente, creativo, pero decidido si. Si bo scoge pa combati pobresa, e ora bo tin cu handle cu e situacion.

Ken ta mas pober

E pensionadonan y esnan cu ta gana sueldo minimo, ta biba nan so cu dos yiu ta den pobresa. Tin un investigacion caminda ta determina cua ta e gruponan cu ta biba bao di loke ta yama bestandsminimum. Esey ta e hendenan cu ta cobra pensioen di biehes so. Esnan cu tin onderstand y bo por imagina un mama cu dos yiu y e tin sueldo minimo, e ora ey e tambe ta cay den pobresa. Si e ta casa, y nan ta biba hunto, tin dos hende den un cas y dos yiu, e ora bo no tin problema. Si bin divorcio, un bay y e no ta contribui, na e momento ey si bo ta haya cu ta bay cay den pobresa y mayoria di biaha, ta haya e famia cu tin e hende muhe na cabes cu un of mas yiu, cu nan si ta bay cay den e situacion caminda cu nan entrada ta bao di e entrada cu ta para pa e minimo di existencia.

Comments

comments