PKF Aruba y Impact Hub lo bay organisa un seminario cu lo tuma luga dia 24 di november, cu tin como tema “Kico bo compania bal realmente.”
PKF Aruba a establece su mes den luna di juli na 2023, como e prome compania di PKF den Caribe Hulandes, cual segun Edsel Lopez, managing director di PKF-Aruba, ta sintie sumamente orguyoso p’esaki.
PFK ta estableci na mas di 150 pais y tin mas di 22 mil trahado rond mundo. PKF ta un compania global, pero cu un presencia local, haciendo diferente servicio
Aunke nan ta un boutique firm cu hopi posibilidad pa atrae conocemento di pafo, nan tin nan propio conocementonan tambe.
Tema ‘Kico bo compania bal’ ta un tema cu nan ta haya hopi pregunta riba dje. Hopi empresario ta bin na PKF pa puntra cuanto su compania bal. E ora e pensa un tiki mas leu y a busca colaboracion cu Impact Hub pa purba di papia un tiki riba e tema aki, kico t’e aspectonan cu tin cu tene na cuenta cu ne, parti strategico y tambe fiscal. Tur esey kier purba di presenta dia 24 di november
Lopez a indica cu nan ta contento cu e colaboracion cu Impact Hub.
EVALUACION DI E COMPANIANAN
Loke lo enfoca riba dje durante e seminario, na prome luga ta bay un tiki mas leu di e concepto di kico t’e evaluacion di e compania, kico t’e prijs cu por haya ora kier bende e compania. Ta dos concepto diferente. Tambe lo splica un tiki mas riba esey, segun Herbert van Elferen, partner na PKF Aruba.
Lo papia riba e diferente metodonan pa calcula e balor di un compania cu ta depende un parti di e rason pakico kier haci evaluacion. Por ta kier bende e compania, por ta kier djis sa kico e compania ta bal awendia y tambe pa bay mustra cu haciendo un evaluacion por yuda e compania. Aki e doño por haya sa miho kico mag of kico por haci pa mehora e compania y asina mehora e balor di dje, di e manera aki yudando busca un bon strategia p’e futuro y yuda e compania, scoge ki decision tin di tuma pa mehora.
Durante e seminario lo bay papia tambe mas den detaye kico un evaluacion na Aruba ta nifica. Sa cu na Aruba tin en realidad, compania cu ta hopi chikito. Den e seminario lo bay splica entre e diferencia y con por deal cu e diferencianan ora cu ta haci un evaluacion di e compania.
IMPACT HUB
Mary-Ann Falconi, co-fundado y general manager di Impact Hub Aruba a comenta cu pa nan ta un grato placer di forma parti di e seminario aki. Unabes cu a combersa cu PKF y mira e similaridadnan cu tin den servicio y di nivel profesional cu kier trece pa Aruba, y mirando tambe e lasonan internacional cu tin.
Impact Hub Aruba ta un fundacion lanta na aña 2022. Nan proposito principal ta pa guia entrepeneurship na Aruba y di e manera aki yuda diversifica nos economia, fortifica nos economia pa medio di guia. Banda di esey Impact Hub tambe ta duna espacio, unda cu e entrepeneurnan startup por bin haci nan trabao, sea ta huur e desk, ta huur e oficina of e meeting rooms.
A pesar di haya guia, tin e espacio unda por traha. Segun Falconi, lo bay papia riba e balor di compania. Pa Impact Hub ta hopi interesante pa trece den contexto ki rol, sostenibilidad tin p’e organisacionnan na Aruba, con e por beneficia e compania su balor y hopi biaha den practica, ta tuma nota cu e business modelnan di awendia ta hopi tradicional.
Pa medio di e presentacion aki, kier trece dilanti con por shift di un business model tradicional pa uno mas sostenibel.
Impact Hub ta hopi contento cu e colaboracion aki, e prome di varios y ta spera cu comunidad emprendedor, e organisacionnan, e companianan priva, registra. Esaki lo tuma luga dia 24 di november na Impact Hub Aruba mes, situa den Weststraat 2 den Harbour House piso 2. E seminario ta cuminsa pa 10:30 am, registracion a habri caba. Ya caba nan ta 70% soldout, asina ta e cuponan ta limita. Ta un seminario hopi exclusivo.
Falconi ta invita tur startups, e profesionalnan den finansa, entre otro, a registra ainda pa participa den e seminario.
Website pa registracion ta www.pkf-aruba.com.
