Diasabra marduga, rond di 1:15 am, polis a presenta na Terrace Bar na Savaneta p’un homber burachi y fastioso. Por poco el a perde stre’i nort. Diferente persona tabatin molester di e forma cu e homber tabata comporta su mes.
E tabata slenter rond y casi no por a para riba su pianan. Ta suficiente motibo pa polis atende cu ne. Polis a purba dun’e un chens pa un conoci bin busc’e pero sin resultado. No a e keda e polisnan nada otro di bay over na detene e homber aki.
Den un transporte policial a hib’e pa ward’i polis caminda lo present’e dilanti un subfiscal, kende lo dicidi sea riba su encarcelaion of libertad. Pa awo, e lo pasa e proximo oranan tras di tralie.
