Diasabra marduga alrededor di 2:20 am a sosode un accidente na altura di e bocht skerpi na Kudawecha. Ta entre un Honda HR-V y un Ford Pickup. E pickup tabata bayendo direccion pabou y e Honda pariba.
E autonan a dal semi-frontal contra di otro, pa cual a procudi basta daño material. E impacto tabata asina fuerte cu hasta airbag di e Honda a sali. E chauffeur di a Honda a resulta herida, ambulance a presenta pa brind’e atencion medico avansa. E wiel parti dilanti di e pickup marca Ford a kibra por completo, lagando e auto riba tres wiel so. No ta prome biaha cu ta sosode accidente den e bocht skerpi aki na Kudawecha, ta net dilanti Kudawecha Apartments.
