Hunta di Supervision di Trahadonan Organisa Publico di Aruba (TOPA) a dirigi un carta na comienso di e siman aki pa nan president, Rene A. Bernabela den cual ta anuncia su suspension for di e funcion ey pa un periodo di seis luna, efectivo inmediatamente. E carta di cuater pagina largo seguidamente ta indica cu varios e motibo di e decision aki.
E prome lo ta cu Bernabela su comportacion ta dificulta e proceso electoral y e control financiero di e organisacion, intimidacion verbal di posibel candidato. Parce cu esaki ta un asunto cu lo a atende cu ne caba na comienso di luna di april, pero cu no a stop Bernabela di continua den su intento pa un eleccion no tuma luga. E hunta ta preocupa tambe cu no ta presenta documento tocante e spaar en kredietfonds.
