Persecusion y detencion estilo pelicula: Sospechosonan kier a baha takelwagen for di caminda

3990

Diahuebs mainta den careda di 10:00AM ta momento cu e incidente inusual di awe a cuminsa. Polis di trafico a tuma nota di un vehiculo para bandi caminda laga astras. A sigui su intuicion y a haci un control riba e vehiculo (Nissan Skyline blanco) y a bin resulta cu number no ta cuadra, number dilanti y esun di patras tabata diferente y posiblemente lo ta envolvi den un caso di “hit and run”.

Esaki a tuma luga riba caminda di Tamarijn. A pidi presencia di un takelwagen pa transporta e auto pa warda di Balashi. Riba ruta direccion Sta Cruz, e chauffeur di e takelwagen a tuma nota di un vehiculo purbando di bahe for di caminda. Un Yaris color blanco. Mesora a tuma contacto cu polis pa indicanan kico ta tumando luga riba caretera principal di Sta Cruz. E dicho auto tabata purba di pasa e takelwagen y dune ordo pa baha caminda. Ta sospecha cu nan intencion lo tabata pa para e takelwagen y asina recupera e Nissan Skyline cu nan a confisca.

Diferente unidad di polis a presenta den e area inmediatamente. Mientras a escolta e takelwagen pa e yega salbo na e warda di Balashi, otro patruyanan a enfoka riba e dicho vehiculo envolvi. A indica cu tabata trata di un Yaris color blanco cu dos persona aden. A topa cun’e riba caminda y dun’e señal pa para pero e no haci esaki.

Criminalnan di Tamarijn a core pa Polis despues cu a confisca un Skyline di Hit and Run

Breaking News : Criminalnan di Tamarijn a core pa Polis despues cu a confisca un Skyline di Hit and Run. Click e link pa mas https://24ora.news/3p706q2

Posted by 24ora on Thursday, January 21, 2021

A cuminsa un persecucion for di caminda principal di Sta Cruz te cu Tamarijn na Paradera, caminda varios unidad di polis a purba par’e vehiculo aki riba e ruta pero e no a haci caso na ningun di e patruyanan cu a dune ordo. E chauffeur logra yega te na e adres, cu segun por a compronde ta caminda un di e sospechosonan ta biba, cu ta Tamarijn 54.

Polis cu detencion pa e di dos sospechoso den Paradera. Click e link pa mas https://24ora.news/39WvuRP

Posted by 24ora on Thursday, January 21, 2021

Aki a logra detene e prome sospechoso, a pone riba vloer y pone na boei mientras e di dos sospechoso a logra sali di e auto y drenta e mondi tras di e cas. A cuminsa un buskeda intensivo den e area cu ayudo di diferente team, incluyendo K9, Recherche como tambe Helicpoter. Despues di un rato a logra detene e segundo sospechoso den e mondi na altura di Sero Lopez.

Informacion cu a ricibi, cu ta trata di dos hoben conoci, Michelangelo Quant y Johan Sint Jago (miho conoci como Harry Potter), ta e dos sospechosonan deteni despues di e persecucion estilo pelicula di awe.