Otro auto confisca na mes un sitio: Polis atento a controla auto sospechoso na Paradera

2840

Diahuebs mainta, den careda di 10:30AM, durante persecucion di sospechoso cu a huy pa polis den mondi di Paradera tabata tumando luga, a tuma nota di un otro Nissan Skyline cu a yega riba velocidad pero na momento cu a tuma nota di presencia di polis a brake cu intencion di reverse y bay for di sitio.

Esaki a sosode dilanti Tamarijn 54, cu ta e cas caminda e sospechoso di persecucion ta biba. No por bisa si nan ta conoci of si ta pa casualidad nan lo tabata pasando dilanti dicho adres, pero polis a dunanan señal pa para pa haci un control. 

A bin resulta cu e vehiculo aki tampoco su informacion ta cuadra. Polis a confisca e vehiculo aki tambe for di sitio, lagando e tres ocupantenan na pia.