Polisnan di San Nicolas a experencia bastante accion diadomingo anochi durante Toque de Queda. Un vehiculo a paga su luznan na momento cu el a tuma nota di presencia di polis. Pero a tuma nota di su intencion y a cuminsa un persecucion for di Savaneta te den area di Rooi Lamunchi.
Naturalmente durante TDQ e no mag di ta riba caya pero na momento cu el a core pa Polis a haci e situacion pio ainda p’e. Durante persecucion el a baha caminda, dal den varios obheto band’i caminda poniendo su mes y otronan den peliger.
Na Rooi Lamunchi a par’e, deten’e y transporte pa Warda di Polis, unda lo present’e dilanti un Fiscal Auxiliar cu lo mester dicidi riba su posibel detencion, encarcelacion of manda cas pendiente e investigacion penal cu lo start contra dje.
