Awenochi, despues cu a reina hopi inkietud bou di docentenan y miembronan di sindicato di maestronN di Aruba, SIMAR, cu Minister Presidente mr. Evelyn Wever-Croes a intermedia cu Minister di Enseñansa, dr. Rudy Lampe, y a acorda cu e ultimo aki lo hala su carta di diabierna aden. Cu esey, tur e medidanan y cortamento feros den salario y beneficio di docentenan ta bari for di mesa.
Josephine Albertus, Presidente di e sindicato a informa su miembronan cu e ta contento pa anuncia cu e ultimo carta di Minister di Enseñansa, cu a causa asina hopi inkietud y disgusto bou di maestronan e fin di siman aki, lo wordo hala aden (“ingetrokken”).
“un danki ta bay na Mininster President pa a interveni den e asunto aki”, asina e sindicalista a duna di conoce, mustrando claramente cu un biaha mas MEP a bula den e problema pa evita cu un decision di RED ta causa daño na e coalicion. No ta prome biaha cu Wever ta “interveni” pa corigi un decision di Lampe.
Loading…
Reload document 
Open in new tab 
