Diabierna den careda di 2:25am polis a duna señal pa para un Hyundai Getz nr. A-62220. Pues e chauffeur no a respeta esaki y a sigui core bay.
Mesora a cuminsa un persecusion cual a bin termina den Seroe Blanco, band’ banda di prome minister su cas. E sospechoso a dal contra un muraya di cas di e bisiña di prome minister.
Polis a mand’e suela pa asina controla den e auto. A procesa un boet paso e no tabata por demostra un rijbewijs valido cu ne e auto. A confisca e auto mirando cu e documentonan di esaki no tabata na ordo pa cual e chauffeur a keda na pia.
El a splica polis cu ta cuminda el a bay busca y e por a demostra esaki mirando cu e tabata tin su cuminda den un saco cu su coca cola.
