E candidato, Olger van Dijk, di e partido nobo di Hulanda NSC, recientemente funda door di e miembro di Tweede Kamer di Hulanda, Pieter Omtzigt, a delibera cu e lider di oposicion y a mustra hopi interes pa Reino y un conocemento y interes hopi specifico pa Aruba.
Olger van Dijk tin un carera di servicio publico impresionante cu un tempo hasta a trece na Aruba pa asesora y conseha e partido berde riba e tema di desaroya ideanan nobo y con pa conecta desaroyo y crecemento (welvaart) di Aruba na e bienestar general(welzijn) di e pueblo di Aruba. E pensamento di e buskeda di e algemeen welzijn, e bon comun.
Olger van Dijk a conoce lider di e partido berde, Mike, for di tempo di inicio di nan carera politico na 2005. E tempo ey van Dijk tabata fractieadviseur di CDA.
Na Den Haag Hulanda e lider opositor y lider di e partido berde, asesora e biaha aki pa un fractieadviseur di nos propio suelo, Wendrick Cicilia a topa atrobe cu Olger van Dijk pa delibera cu e mesun pasion riba e futuro di Aruba y Reino.
Olger van Dijk actualmente ta director di ‘Ruimtelijke Ontwikkeling” na Binnenlandse Zaken.
Den su carera e a ocupa varios funcion importante y clave den Gobernacion Hulandes. E tabata consehero di Cas Real, e fungi como kwartiermaker “Ruimte en leefomgeving” na Ministerio di Buitenlandse zaken. Desde 2017 te cu 2021 Olger tabata miembro di directiva di Democratie en Bestuur y tambe Chef di Kabinet di Minister. Olger van Dijk a studia Bestuurskunde y Tecnica Civil na Universidad di Twente.
Durante e reunion cu e delegacion di oposicion, van Dijk a delibera riba e proposicion di fraccion di AVP pa institui un Sociaal Cultureel Planbureau pa Aruba pa pone e temanan social economico tambe riba agenda. A entrega e nota tambe “The Bigger Picture” cu ta duna e motivacion pa e SCPA.
Olger van Dijk a mustra cu como partido basa riba e concepto di un “nieuw social contract” e temanan socio economico di Aruba tin nan interes. E partido di Pieter Omzigt tin su relacionnan profundo den e filosofia Social Cristian y cu esey ta pone tambe e “gemeenschappelijk goed”, common good, e bon comun central.
Den su entrevisa Olger van Dijk na final di e reunion a mustra tambe riba e relacion cu e tabata tin cu Aruba. El a expresa cu semper el a keda impresiona cu e vision pa eleva calidad di bida na Aruba, pero tambe pa e relacionnan den Reino. Ambos dirigente politico cu nan fundeshi comun den e ideologia cristian democrata a acorda cu nan lo intensiva e contactonan pa sirbi e cohesion den Reino Hulandes.
