Diasabra anochi alrededor di 7:45 pm polis a presenta cu urgencia den area di Kini Kini Building na Playa p’un caso serio.
Aki ta caminda c’un grupo di tres persona a baha riba dos tipo y agredi nan formal. Djey a sali na careda bay direccion di Caya Grandi.
Na yegada di polis a topa cu un miembro di siguridad di un compania den cercania. Mesora polis a cuminsa cu un buskeda den e area mirando cu nan no a topa cu ni victima y tampoco agresor n’e sitio.
No a dura mucho cu polis a topa cu un homber cu hinca den lomba patras di Silla Bar. El a conta polis cu e tabata canando cu su amigo ora cu diripiento un trio a baha riba nan y por poco a “ruim nan op”. A purba defende nan mes pero nan a spanta ora a mira dos arma di candela. A wanta sla y core bay pa bati alarma.
Polis a busca tur rond pa e tiponan arma pero no a topa cu nan. Mirando cu ta trata di un caso serio, a bay cu ambos victima direccion warda di polis p’asina por ricibi mas informacion for di nan den un camber mas trankilo y den airco.
Mirando cu tin hopi camara den bisindario, no ta nada straño cu polis lo pone man riba e agresornan, sea ta awe ainda si no ta den e proximo dianan nos dilanti.
