Diadomingo marduga den careda di 1:00 polis a presenta na un caya den Playa, net patras di warda di polis, unda cu tabatin un problema basta grandi entre bisiña.
Personanan pasando eybanda a mira hende cu bat y otro cu cuchiu den man pa cual mesora a bati alarma cerca polis.
Varios unidad di polis a yega na e sitio. Un ta acusa e otro di a drenta su cas pa horta. Por scucha na e sitio bisiñanan ta papia cu un di esnan envolvi a hera dal nan cu auto. E acusacion aki, di a drenta cas di bisiña horta, ta algo cu no ta prome biaha nan ta tende y cu tin discusion riba dje.
Polis a papia cu ambos partido debi cu nan tabata basta altera y a logra calma e situacion y finalmente no a detene ningun hende, pasobra polis no a haya e bat ni e cuchiu.
