Ministerio di Boluntario di crucero Freewinds ta sigui yuda comunidad di Aruba

Durante e pandemia, Ministerio di Boluntario di Freewinds ta sigui promove prevencion y ta sigui cu su accionan di desinfeccion pa yuda Aruba.

Como cu COVID-19 a azota Aruba mas tempran den e aña, e Ministerio di Boluntario di e Misa di Scientology, Freewinds,ta urgi comunidad pa sigui preveni p’e virus plama cu e protocolnan comproba.

Nan mensahe pa Aruba ta: ”Un ons di prvencion ta bal un kilo di curacion.” Tin proceduranan simpel cu por yuda percura pa salud y siguridad. Tur esaki ta obtenibel na Ingles, Hulandes, Spaño y 18 otro idioma na scientology.org/staywell/.

E siman aki e Ministerio di Boluntario di Freewinds a kibra record, pasobra a desinfecta mas di 1 miyon pia cuadra na Aruba den e ultimo dos luna. Ta haci e desinfeccion cu e sistema di Decon 7, cu ta e descontaminante mas poderoso obtenibel, cu ta paga y provee door di MV Freewinds.

Durante e tempo aki, e boluntarionan a desinfecta diferente establecimiento manera kleuterschool, scolnan basico, cas pa esnan mentalmente descapacita, funeraria, luganan di bowling, gyms y mucho mas.

Cabesante di John Wesley College, Andriane Guillard, a bisa: ”Mi ta hopi contento cu boso a bin pa yuda nos desinfecta. Ta hopi importante cu nos percura pa nos salud specialmente awor nos mester mantene nos salud.” Ministerio di Boluntad ta desinfectando Maria College. E cabesante a remarca: ”Hopi danki! Realmente nos ta aprecia esaki!Danki pa boso trabou!”

Tambe a desinfecta Man na Obra pa esnan mentalmente descapacita. A desinfecta tambe Kleuterschool Cacioque Aterima. Aki e comentario tawata: ”Danki Freewinds y Dios bendiciona boso pa e trabou cu boso ta haci.”

E Ministerio di Boluntario di e Misa di Sciensologia ta un servicio social religioso crea medio añanan 1970 door di e fundado di Sciensologia L. Ron Hubbard. E ta un di e forsanan di socoro independiente mas renombra na mundo. E mision di un persona den Ministerio di Boluntario ta: “Un persona cu ta yuda su prohimo den un forma boluntario door di restaura proposito, berdad y balornan spiritual den bida di otronan” Nan credo ta: ”Un boluntario den Ministerio no ta cera su wowo pa e dolor, maldad y inhusticia di nos existencia.”

Mas bien e ta entrena pa maneha esakinan y yuda otronan haya alivio di nan y restaura forsa personal tambe.“ Y ta den e espirito di esaki cu e Ministerio di Boluntario di Freewinds. Ta sirbi Aruba den e temponan insigur cu Aruba ta pasa aden. E meta ta pa trece bistanan nobo pa e isla bunita den Caribe. Pa haya sa mas di Freewinds mira Inside Scientology: The Freewinds na e Scientology Network( www.scientology.tv/series/inside scientology/freewinds.html).