Un discusion pisa entre dos ruman, a pone cu un di e rumannan pa baha su frustracion a kibra bentana di auto pero el a resulta seriamente herida.
E hecho aki a tuma luga diadomingo rond di 1.30 di marduga na Noord.
Na e ora menciona e famia tabata caminda pa cas ora cu den e vehiculo a surgi un discusion pisa entre dos ruman. Yegando banda di Imeldahof, e mama, kende tambe tabata den e auto, a bisa nan miho para e auto. Pero e problema no a caba pasobra e dos rumannan a baha y sigui discuti, te ora cu un di nan pa baha su frustracion a kibra e bentana di e auto, parti patras.
E no a realisa cu esaki lo causa daño na dje mes. E herida a cuminsa sangra profusamente y bisiñanan a bati alarma.
Cu urgencia a hib’e hospital pa tratamento medico.
