Diasabra despues di 2:20am a sosode un accidente na Cura Cabay, na altura di Motor World. Un auto marca Nissan, modelo Fuga, color blanco, cu number A-75514, a alcansa un peaton canando banda di caminda. Dos ambulance a presenta pa brinda e homber asistencia, kende tabata grita di dolor.
Esunnan den e auto Nissan a conta cu nan tabata bayendo direccion pariba ora diripiente e homber a manera subi e caminda grandi na pia. Otro testigonan ta menciona cu e homber tabatin basta rato canando banda di caminda, di un forma masha peligroso.
Polis a cera caminda pa por conduci nan investigacion mientras cu paramediconan a purba stabilisa e victima pa por transport’e cu urgencia pa Hospital.
