Awe den oranan di atardi ambulance a bay cu maximo urgencia na un adres na Savaneta unda cu tabatin homber malo. Tabata trata di un persona, kende a test positivo pa coronavirus y lo tabata sinti su mes malo.
Ambulance a transporte pa hospital pero despues hendenan a constata cu e tabata pafo di hospital. Ta trata di Simei Martijn di Rooi Koochi. El a sinti cu den oranan di atardi su curpa a bira malo y a pidi ayudo di ambulance. Nan a trat’e na hospital, pero na final a resulta cu dokter a bisa cu no ta necesario pa e keda hospital.
Na final nan a bis’e pa laga un miembro di famia buske. Pero ta resulta cu su famia tambe ta den cuarentena. E tabata den cuarentena y dia 31 el a haci test y dia dos a pone den isolacion y a trece hospital. Tanto su mama como su ruman ta den cuarentena.
Na momento cu e tabata papia por a nota cu e tabata falta di rosea. Su preocupacion ta cu e mester bay botica tambe pa busca remedi. Pero e no tin manera ni pa bay cas corda pa bay busca remedi na botica.
Segun por a compronde, su prima tambe ta infecta y ta interna den hospital.