Ban Respeta: Varios detencion durante “Shelter In Place” cu aglomeracion

7673

Gobierno ta mandando un mensahe dos biaha pa dia den conferencianan di prensa riba e presencia di Coronavirus y crisis cu nos ta pasando aden. Parce cu tin hende cu kier sali y haci net lo contrario. Mientras cu tin algun shen hende den Quarentena, tin otronan interna of na cas cu Coronavirus. Gobierno a anuncia Toque de Queda entre 9or di anochi pa 6or di mainta. Apart di esey a anuncia tambe algun dia pasa “Shelter in Place”. Esey kiermen cu bo por sali solamente pa bay Botica, bay Supermercado, bay haci ehercisio of landa, bay busca cuminda take away etc. E “Shelter in Place” no ta pa sali cas bay topa amigonan y come of bebe hunto riba caya of na lama.

Ban Respeta: Varios detencion durante “Shelter In Place” cu aglomeracion

Ban Respeta: Varios detencion durante “Shelter In Place” cu aglomeracion. Click link pa mas https://24ora.tv/3aM4zXZ

Posted by 24ora on Sunday, April 5, 2020

Polisnan tabata tin man yen diadomingo den oranan di atardi. Ademas di yamadanan cu tabata drenta, por a tuma nota cu Polis mes tabata patruya y atende cu aglomeracion di hende. Patras di Budweiser Bar den Koningstraat a yega haya un grupo y eybou so a haci cinco detencion. Despues mas pariba a detene otro mas. Den area di Madiki tambe a avisa gruponan riba e sintamento hunto y core cu nan pa cas. Den Caya Betico Croes banda di Otis a haci varios detencion di hendenan sinta hunto.

E mensahe ta cla pero parce cu hopi hende no kier compronde ainda. E dogcatcher tabata yega warda di Polis carga. Eynan Sub Fiscal tabata atende cu nan. Fiscal di Ministerio Publico tambe. E chens ta grandi cu nan lo haya e multa di 1000 florin. Aglomera y sinta bebe of tene actividad cu wega etc ta prohibi durante “Shelter in Place”.