Esaki ta pa clarifica un biaha mas kiko ta e maneho di ministerio di salud y gobierno referente Covid-19.
Nos maneho ta dirigi riba haci mas y mas test, identifica esnan positivo mas trempan, isolanan y contact trace nan. Un control severo riba esnan den isolacion y den quaraintaine. Realidad tur caminda na mundo ta cu tanten NO tin vacuna e un di maneranan pa por cuminsa poco poco bek ta immunidad.
Esaki NO kiermen cu NOS kier pa Covid-19 sigui plama y mas hende wordo contagia. Ta netamente pa e NO sigui plama y menos hende wordo contagia nos a tuma tur e medidanan cu nos a tuma pa nos por maneha e curva y pa e presion riba nos hospital ta manehabel.
Nos tin e confianza den nos communidad cu tur hende ta sigui instruccionan di keda paden y mantene e disciplina necesario pa nos por mitiga y controla e plamamento. Mas disciplina nos ta, mas liher nos por sali for di e crisis aki y bai bek na normalidad.
