Dialuna, dia 18 di mei Paseo Herencia a anuncia nan apertura despues di un temporada di cierre pa cu e situacion di COVID 19. Durante ultimo simanan Paseo Herencia a eleva nan nivel di higiena y salud pa bishitantenan por shop tranquilamente y relaha cu nan ser keri. Protocolnan a wordo implementa cu e requisitonan di e programa Aruba Health & Happiness Code y a ricibi e seyo di pre-check y ta en espera di un bishita di Departamento di Inspeccion y Higiena pa ricibi e seyo final pa completa e proceso cu exito.
A wordo implementa diferente stacion di Hand Sanitizers, sticker riba vloer pa indicacion di trafico y tur medinanan pa personanan mantene 1.5m di distancia. Bañonan y tur otro superficie ta wordo hasi limpi frequentemente pa e seguridad di e bishitantenan. Ta pidi cooperacion na cada un pa mantene nan mes na e protocol pa asina huntu por combati e situacion di COVID19.
Ademas di e protocolnan di hygiena y seguridad, tambe Paseo Herencia a bin cu un programa pa nos localnan di “Paseo Points” unda cu cada compra na e tiendanan, restaurantnan y Caribbean Cinemas VIP na Paseo Herencia lo acumula punto riba un carchi digital. Cu cada compra di awg 1 lo ricibi awo 2 punto. E puntonan por wordo intercambia pa Gift Certificates di Paseo Herencia, servicio di drive-thru car wash na Splash ‘N Dash of un glas di biña na TGI Fridays. Miembronan lo disfruta di diferente benificionan como por ehempel recibiendo 50 punto riba nan cumpleaños, participacion den campañan atractivo y tambe lo ricibi informacion di actividadnan y promocionan na Paseo Herencia. Pa inscribi ta completamente gratis y por pasa bishita e information booth pa mas informacion of por manda un mensahe via Facebook.
Pa muchanan Paseo Herencia a incorpora special di dollar pa florin riba nan actividadnan di trein y carousel di 5or pa 10or di anochi y tambe por disfruta di e show di awa di Disney tur dia pa 7or y mei. E siguiente shownan di awa ta tuma lugar 8or y mei y 9or y mei.
General Manager, Paseo Herencia
Zaira Orman-Maya
Marketing Manager, Paseo Herencia
Paseo Herencia ta ofreciendo parkeo gratis y ta invita un y tur pa pasa mira tur locual a wordo implemente, specialnan di Dollar pa Florin na TGI Fridays y Mimo’s Ice Cream Rolls y 30- 50 porciento di descuento na Che Bar Restaurant, QuikSilver, Maggy’s, Kok Optica, Sole, Bering y DLG. Paseo Herencia ta spera di por conta cu mercado local cu semper sa di sostene nan. Pa mas informacion bishita Paseo Herencia su pagina di Facebook of Instagram.
