Awor cu e proceso di busca forma pa cera coalicion lo inicia, ta evidente cu lo cuminsa compara e programanan y vision di cada un cu otro. Ta nota cu e proceso lo no ta facil, si tene cuenta cu ora traha un programa di gobernacion, cu mester hinca e visionnan den otro, cu lo mester hinca basta awa den biña.
Un di e puntonan por ehempel ta e amienda riba matrimonio di e mesun sexo. MEP ta contra, pero POR y RED ta na fabor. E otro ta legalisacion di canabis, cu RED ta na fabor di legalisacion completo pero MEP solamente medicinal. Asina tin un lista di otro visionnan cu sea MEP mester adapta di nan of POR/RED mester adapta di nan pa toch logra forma un solo coalicion pa e siguiente 4 añanan.
