Tabata diadomingo alrededor di 1:45 am ora cu un pareha a yega nan apartamento den Driemasterstraat y hay’e na candela. A bati alarma mesora na polis cu na su turno a informa personal di brandweer pa cu e candela aki. Na yegada di polis, a topa cu un candela grandi y fo’i control.
E candela tabata expande su mes lihe. Polis a evacua tur hende for di e compleho di apartamento, caminda cu segun informacion tin varios persona indocumenta ta biba. Investigacion lo saca afo for di unda exactamente e candela a cuminsa. Na sitio a nota ora un bombero a sali cu un boter di gas chikito for di e compleho di apartamento.
Na sitio tambe a combersa cu e pareha cu ta biba den e apartamento, kende a conta cu a yega y topa cu un candela grandi sin cu por a haci algo. A notifica e instancianan concerni pa atende cu e caso aki. Awo e proceso investigativo lo inicia.