Diadomingo marduga den careda di 1:15 am, polis a tuma nota di un aglomeracion basta grandi dilanti “7West Bar and Restaurant” na Weststraat.
Mirando cu e grupo di hende tabata basta grandi, e polisnan a dicidi di blokia e entrada di Weststraat. Na e salida dje otro banda, a laga un patruya controla tur trafico cu tabata saliendo. Despues di yegada di mas esfuerso, na un manera hopi tactico y trankilo, e grupo di polis a acerca e grupo y na un manera calmo a papia cu nan y notifica nan cu nan no por keda para eynan y tin cu bandona e sitio.
E multitud a cumpli cu e instrucionnan di polis y asina tur cos a keda bou control y pocopoco tur esunnan cu tabata na sitio a cuminsa bay cas.
