Paranda Balashi a start sali den grandi

Cu un multitud grandi Paranda di Balashi 2019 a cuminsa diabierna ultimo riba Linear Park. E fiesta cu tin un duracion di dies siman a cuminsa estilo di un fiesta grandi cu 7 banda pa entretene e miles di hendenan cu a acudi na e evento ak cu a combina cu e programa radial Na Drempel di fin di Aña.

Rowald Werleman di Balashi a expresa cu gerencia di e compania ta mas cu contento cu e reaccion cu nan a ricibi. E siguiente actividad ta tuma diabierna banda di Santa Cruz Bar Restaurant cu Grupo di Betico y N’Fusion combinando musica di henter aña cu esnan di temporada di fin di aña.

Rowald Werleman y Balashi ta invita henter pueblo pa participa den e Paranda di Balashi cu ta finalisa 20 di december awo.