Ruman a dal otro cu biga na Tanki Leendert

Diamars den oranan di mainta a manda Polis pura den direccion di Tanki Leendert. A drenta informacion cu tin un pelea entre dos ruman. Na yegada di Polis a interveni mesora. A bay over na detencion pa menaza, agresion, bou influencia y destruccion.

Un di e rumannan tabata herida y a pidi pa ambulance. E pidi tambe pa dogcatcher. No por a haya mesora un subfiscal na warda cu por a presenta e sospechoso cu tabata deteni. E caso a dura basta largo. E sospechoso a keda benta abou banda di auto di Polis pendiente e decision cu mester a tuma lugar. Paramediconan di ambulance a atende cu e ruman cu tabata herida.