No ta prome biaha y ta sinti cu esaki no lo ta e ultimo tampoco.
Despues di un fin di siman largo, docentenan a bin topa un biaha mas cu e situacion amargo di kiebro na e scol. Esaki a tuma luga na Maria College MAVO Dependance cu ta situa riba L.G.Smith Blvrd.
Na yegada a constata cu e bentana di nan cantina lo tabata kibra y cu a bay cu diferente producto cu nan tin pa bende, manera entre otro ijscream, snacks y mas. A compronde tambe cu esaki no ta prome biaha cu malechornan den area ta comete acto di ladronicia na e dicho scol aki.
Lamentabel cu e acto ta costa e ladron net nada pero e sacrificio ta pa e scol, cu tin cu bay busca manera pa drecha bentana y pone bek productonan horta. Idea lo ta pa pone un sistema di siguridad pa asina purba evita mas kiebro.
