Un accidente a sosode na Turibana diabierna mainta. Un truck cu a bay baha bloki poco mas pariba di e accidente a causa esaki. E chauffeur trempan a haci su trabou. Prome cu 8or el a entrega e pedido.
Pa tur siguridad e ta saca e patanan di e truck pa asina tene e truck stabil. Ora el a caba a lanta e patanan bek. Solamente e pata patras banda drechi no a ser lanta completo y a keda tambe parcialmente pafo. Un eror humano. Ora el a sali bin abou e pata a haak un auto para dilanti un cas na rand di caminda.
Den e proceso hasta a bolter e auto. E chauffeur di e truck a para mesora. A bati alarma na seguro. E doño di e auto a bin traha ma un cas eybanda y cu su mesun wowo a mira con e truck ta ranca su auto. E compania di seguro a bin handle cu e situacion.
