Ta un tradicion, custumber, cu 24ora.com su team ta yega riba e fecha di prome di januari pa 10’or di mainta, pa asina hunto haci cobertura di e prome baby di aña .
Casi semper, den e oranan aki, e baby a nace caba y e t’ey, hunto cu su mama, su tata, wardando e momento pa nos yega tambe, pa asina anuncia esaki pa Aruba.
Si ta yiu homber, si ta yiu muhe, etc. Pero awe nos a yega pa 10’or di mainta y nos ta haya e noticia cu keto bay e prome baby di aña 2020 no a nace. Esey ta e informacion cu a caba di haya. A yega na hospital y demas coleganan.
A tende cu keto bay e prome baby di aña 2020 pa Aruba, ta pendiente, ta wardando e momento pa e nace, pa asina trece bendicion pa Aruba. E ultimo baby di 2019 a nace dia 31 di december 2019, pa 10’or di anochi. Un tiki mas, e lo por a bira e baby di aña. Pero den e caso aki, el a bira e ultimo baby pa 2019.
Awor aki nos ta pendiente pa wak ki ora Aruba lo haya e prome baby di aña. No ta prome biaha cu algo asina ta sosode. Casi tur biaha cu nos yega, e baby di aña a nace caba. Pero a yega di pasa un biaha tambe, cu nos a keda warda pasobra keto bay e baby di aña no a nace.
Nos ta keda pendiente pa warda e yamada di hospital pasobra nan tambe, den verloskamer, den e parti di parto, tambe ta ansiosamente sperando e momento cu e angelito of angelita aki por bin na mundo na Aruba y como e prome baby di aña 2020.
Ya caba a haya informacion tambe lo tin un mama of un futuro mama cu a yega sperando e momento. Kisas e por bira awe ainda, of e por bira mañan. Pero e deseo ta semper pa nace riba un fecha manera awe, un prome dia di aña nobo, cu ta un decada nobo
Hospital y nos tur, Aruba completo ta pendiente pa mira kende e baby aki ta, esta mucha homber, si ta mucha muhe y tambe kende ta e mayornan di e criatura aki cu ta bay nace.
Nos tin cu warda un tiki mas, pa nos celebra nacemento di e prome baby di aña 2020 pa Aruba.
