Diasabra merdia a sosode un accidente pisa cu varios herido incluyendo mucha, na e crusada di Sero Pita. E accidente tabata entre un Jeep color Berde y Hyundai blanco unda nos por a compronde e Hyundai tabata riba caminda di preferencia, e Jeep a bay crusa sin wak trafico bon cu consecuencia cu Hyundai a dal bastante duro den dje. Ambos auto a ricibi bastante daño. E chauffeur di e Jeep a haya un kap grandi riba su cabes y mester a ricibi asistencia medico rapidamente hunto cu demas personanan herida.
E impacto tabata basta fuerte. Esaki ta un crusada cu pa basta tempo caba hende ta keha cu mester haci algo cu ne pasobra ultimo tempo por ripara cu tin accident un tras di otro pasando akinan. Varios hende ta puntra pa kico no ta haci un rotonde of polis drumi. Otronan ta comenta cu e crusada ta existi pa basta aña pero cu ta hopi hende ta core malo.
Sin embargo ta bastante hende ta keha cu mester haci algo pasobra berdaderamente e crusada aki ta treciendo hopi problema den ultimo tempo pa motibo cu automobilistanan ta core masha duro mes akiriba. Ciudadanonan preocupa ta pidi instancianan concerni pa actua lihe, manera entre otro DOW pa tira un bista y wak kico por ahusta prome cu mester sosode algo mas pio riba e crusada aki.
