Caso Flamingo a cuminsa cuater aña pasa. Derecho humano di cualkier hende, tratado internacional ta indica cu pa dos aña un persona por ta sospechoso. Supuestamente den dos aña di tempo mester husga bo, duna bo chens pa defende bo mes.
Otmar Oduber, sospechoso, a indica cu cuater aña, dobel di e cantidad di derecho humano un hende tin universalmente como parti di tratado di Aruba. Pero loke ta pasa ta cu e Hulandesnan por haci kico nan kier. Esaki no ta sosode den husticia so, pero e ta sosode den gobierno, den e departamentonan, e ta pasando tur caminda. Na Hulanda nan ta atend’e diferente. Na Hulanda nan ta bay parlamento pa motibo cu tin trias politica, mientras cu na Aruba no tin e ley ey.
Nan ta bin na Aruba y haci loke nan no por haci na Hulanda. Kico nan no por haci na Hulanda cu por haci aki na Aruba, ta entre otro tira un politico ochenta dia, setenta of binti dia den prizon. Esey no ta existi na Hulanda, pero un maximo di seis dia pasobra ta forsa pa haci investigacion. Na Aruba nan ta tira bo den prizon pa cuanto dia cu nan kier, pasobra aki nan por haci e abuso ey.
Oduber a indica cu a cuminsa c’un caso y cu tur e acusacionnan ey, 100% di e caso a cay. El a expresa cu no tin ningun acusacion contra su persona di labamento di placa, no tin acusacion di bira rico ilicito. Tampoco tin acusacion contra su persona pa forma parti di un gang di organisacion criminal. Nan a laga tur cos cay.
A bay haci un buscamento, unda a bin topa cu tres cos di cual Oduber tin duda riba nan. El a enfatisa durante un rueda di prensa cu no tin ningun prueba. Mientrastanto su abogado ta defend’e den corte, e ta sali defende su mes den pueblo.
Pa mas lesa TREMPAN.
