“Berdad semper lo vence maldad,” e politico (y sospechoso di husticia) a declara dilanti corte na final di e regiezitting di caso Flamingo. Dialuna tabatin e prome sesion unda cu a haci peticion y diahuebs mainta hues a anuncia e decision.
Cu e decision di Corte pa acepta mayoria di su peticion (di testigo) el a keda masha contento.
Pa cuminsa el a bisa cu e ta un persona cu semper a kere masha hopi den husticia. Pero e no por keda sin bisa cu loke ta pasando cu Ministerio Publico no ta bon pasobra nan no ta imparcial. “Mi ta contento awe di mira cu despues cu Ministerio Publico no tabata di acuerdo pa scucha testigo; el a nenga tur hende y awe corte a bisa algo diferente.”
Loke Oduber ta cuestiona ta cu Ministerio Publico durante cuater aña a scucha tur sorto di testigo cu a duna declaracion cu ta atach’e y acus’e di cosnan contra ley, y awo cu e caso a yega corte no kier pa rechasa su peticionnan. Mas e hendenan cu nunca antes a wordo scucha pero si ta acus’e di a nombra e personanan aki politicamente. Nunca OM a scucha e personanan aki como testigo.
Tin cuater di e 31 testigonan acepta cu Oduber ta masha contento cu a bay di acuerdo pa scucha nan. Ta papia di tres funcionario di Cuerpo Policial di Aruba (Landsrecherche y RST).
Pa relato amplio lesa TREMPAN.
