Durante pandemia, Otmar Oduber a cuminsa c’un proyecto. E tempo ey Aruba Bank, na cierto momento, ora cu a resulta cu tin un investigacion contra su persona, e banco a nenga di habri un cuenta di banco pa cu su negoshi.
Oduber no tabata di acuerdo cu e ponencia aki y pa cual, na januari 2021, el a entama un caso contra di Aruba Bank den Corte di Prome Instancia, cual caso el a gana tambe. Despues di esaki, e banco a habri un cuenta pa su negoshi. Pero Aruba Bank a apela e caso y e siman aki, el a haya e noticia decepcionante cu Corte di Apelacion a duna e banco rason y cu si e kier, e por cera e cuenta di banco di e negoshi.
E veredicto ta uno hopi peligroso, cu no ta tuma na consideracion e tratadonan internacional di derecho humano cu tur hende tin. Awo a resulta cu e banconan na Aruba tin e monopolio pa dicidi riba un persona cu ainda no a ni bay huicio, corda pa haya un veredicto culpabel.
Pa mas lesa TREMPAN.
