Tur hende tabata cord’e cu su pickup y trailer patras ta core cu su bestianan pa Abattoir. Un persona cu pa decadanan largo a biba y cria su famia cu cria di bestia. Informacion a drenta cu Osbelio Antersijn di Tanki Leendert a bay sosega. E tabatin un edad respeta.
Aña pasa ainda tabata mir’e na Abattoir unda e tabata yuda cu limpiesa di e porconan of e cabritonan. E tabata yuda soya e bestianan y prepara pa bende nan. Pa publico e tabata conoci pa bende bestia chikito tambe of hasta sanger yena. Algun hende ta consider’e esun cu ta bende e miho sanger yena na Aruba.
Esaki ta di dos persona conoci den cria di bestia cu a bay sosega. Aña pasa, na final di 2020, Mario Britten tambe a bay sosega. E tabata keurmeester. Ta hende cu a traha di cerca cu Osbelio na Abattoir.
Cu Osbelio Antersijn sosega na Pas y forsa na e famia.
