Diabierna merdia, e tres partidonan di oposicion tabata tin un audiencia cerca cu gobernador, relaciona cu e ultimo acontecimentonan riba tereno gubernamental.
Lider di fraccion di AVP, mr. Mike Eman a indica cu e fraccionnan di oposicion, hunto a manda un carta pa Prome Minister mr. Evelyn Wever-Croes y Minister Xiomara Maduro, c’un preocupacion grandi cu e presupuesto 2023 presenta na parlamento. Esaki ta un falsedad completo, ya cu na ultimo ora a haci e cambionan di BTW pa BBO, pero henter e proceso di legislacion di un presupuesto y e derecho di parlamento pa por analisa, supervisa y na final vota pa un presupuesto, a mina esakinan. E consehonan cu ta forma parti integral, cu ta e consehonan di Raad van Advies y Caft, ya cu el a manda un presupuesto pa e institucionnan y a manda uno completamente otro pa parlamento. Esey ta haci cu e consehonan cu parlamento tin.
Segun Eman, esaki ta un falta di respet pa e institutonan importante di conseho di nos pais, pero tambe un falta di respet pa e proceso di legislacion di un presupuesto y di e organo di mas halto di nos pais cu ta Parlamento.
Drs. Marisol Lopez-Tromp, lider di fraccion di MAS, a bisa cu esencia di e carta cu nan a manda cu ta pidi pa trek in e presupuesto 2023, ya cu den gran parti e ta ficticio. Tin e cambionan haci na ultimo ora sin haya e consehonan necesario. S.E. Gobernador di Aruba, Alfonso Boekhoudt, a invita cada lider di fraccion di oposicion pa un audiencia. Tambe oposicion a trece dilanti no solamente e preocupacionnan cu nan tin y loke cu a bay robes, pero tambe loke cada un como partido cu representacion den parlamento ta mira cu ta cosnan cu gobierno por a haci, pa por tin un situacion mas ainda di loke sugeri pa CAft.
Mas aleu, Miguel Mansur, lider di fraccion Accion21 a bisa cu ta increibel cu ainda den 2022 , di e diestres sugerencianan di CAft, ta cu uno so ta cumpli cu ne. Algo cu ta cu ta hinca nos pais den problema asina grandi, cu a yega asina leu cu tin un proposicion door di CAFt pa un aanwijzing. N’e momentonan aki, e situacion ta depende di kico gobierno contesta y ki accion e lo tuma y con profundo e lo cambia presupuesto 2022.
Por wak tambe un gobierno cu ta nenga di cumpli cu e recomendacionnan di CAft y e oportunidadnan ta pasa bay. Tin un pobresa creciente na Aruba. Na Corsou, nan ta bezig ta renegocia henter nan debe, pa scapa 20 miyon florin anualmente. Si Aruba tuma e mesun paso aki, lo scapa 150 pa 200 miyon florin, cu ta placa cu gobierno por uza pa enseñansa y pa crisis social, na luga di sinta bringa CAft.
Esaki ta un gobierno incapaz pa tuma accion pa scapa nos pais y trece alivio pa r pueblo. El a yega asina leu, cu tin punto di preocupacion, cu ta den Ministerraad di Reino lo mester trat’e ya cu na Aruba mes, nan no ta capaz di haci nan trabou.
Miguel Mansur, lider di fraccion di Accion21, ta spera di wak cambio y movecion den restructuracion. CAft ta un organo independiente di gobierno di Aruba y gobierno Hulandes.
