Comunidad di Aruba a sa di responde hopi bon na open dag di Universidad di Aruba. Esaki ta loke cu Charisse Hoen-Daly, coordinator di asuntonan di studiante y marketing di e scol a indica. Durante e open dag aki nan tabata full house. Tambe e ta contento di e aña aki.
Banda di e programanan cu nan tin regular, toch ta bay cuminsa cu e programa di Wiskunde y e-System, cual ta esun di mas nobo cu tin cual ta Sustainable Island Solution, usando e parti di STEM, cual ta Sustainability Technology Engineering and Mathematics.
Durante e opendag no a mira solamente studiante, sino studiantenan cu nan mayornan. Hasta hopi alumno, cu a bin cu nan yiu pa mustra nan Universidad, cual ta sumamente sorpresivo pa mira tur e cambionan cu tin na Universidad di Aruba.
Transformacion
Tabata tin studiantenan cu a cana rond cu nan iPad, tumando nomber, pa asina haya sa di esnan cu a bishita, pa sa ki informacion nan lo kier, kico nan ta desea. Si nan a sinti nan mes bon.
Tur aña ta haci esaki y Hoen-Daly ta contento di bisa cu tur e informacion cu a ricibi di e mayornan, cu nan ta hopi orguyoso di Universidad di Aruba y cu e diferente estudionan cu nan ta ofrece.
Ta hopi importante pa menciona, cu a haci hopi mas cos digital. Banda di e lesnan cu e studiantenan na scol, tin aspectonan curso digital. Tambe por a mira nan pagina di Facebook, cu hopi actividad ta wordo haci den comunidad. Pa Universidad di Aruba ta hopi importante cu loke siña por aplica na comunidad. Hopi biaha problemanan mundial, ta siña con pa soluciona nan cu e metidonan mundial.
Pero ora ta biba riba un isla, ta haci’e diferente. Esey ta e accento cu Universidad di Aruba ta haci cu ta purba di duna informacion, teniendo cuenta cu kico ta pasa den nos comunidad, pa nos studiantenan ta prepara, pa sirbi nos comunidad, pa ta un profesional na Aruba, pero tambe den exterior.
Pakico den exterior
Ora e studiantenan yega 3de of 4de jaar, tin Office of International Affair, cu ta percura pa e Erasmus Programa, y cual ta duna e studiantenan oportunidad, bo ta studia na Aruba, pero bo tin chens di bay afo. Sea cu ta na Alemania, sea cu ta Belgica, sea ta Hulanda, sea cu ta Merca, sea cu ta Sur Africa, unda bo ta desea, ta duna e oportunidad y alabes e docentenan cu ta bin for di exterior, tambe ta bin di diferente pais.
Por bisa cu na Universidad di Aruba ta duna un ambiente internacional, pero toch cerca di cas, cu e calor cu nos conoce na Aruba.
