Scol Practico pa Ofishi (SPO) a tene su Fun, Run & Walk diasabra atardi, cual por bisa cu tabata tin un hopi bon atendencia. Muchanan di e scol, durante di e ultimo simannan a sa di bende ticket pa participacion y finalmente diasabra, mas of menos 70 persona a presenta na SPO Santa Cruz, pa asina cuminsa cu e evento.
E grupo a sali for di SPO Santa Cruz, sigui pa Fa Yang lora bay ariba direccion Sport Boys, sigui pa Coba Lodo – Plaza Deto Varis, djey sigui den Kas Ariba bay abao, man drechi sigui pa veld di Rockets, pasa banda di Trappers, crusa caminda y yega SPO Santa Cruz cu ta e final.
Na e meta, tur esnan cu a participa a haya un fruta y algo di bebe. Na final a saca esnan cu a gana pa e caha di Montain Dew. Sigur un evento exitoso na beneficio di e muchanan mes di e scol. Gradicimento ta bay na tur esnan cu a participa y tambe esnan cu a contribui. Sigur sigur e siguiente caminata lo ta hopi mas grandi. Palabra di pabien ta bay na e Scol cu un evento hopi bon organisa.
