Aruba un biaha mas ta destaca den deporte internacional cu su oficialnan,e biaha aki cu oficialnan di FINA , esta Sr.Ronald Leito y Sra.Mayens Tromp. AZB ta sumamente orgulloso cu Bahamas Swimming Federation a entrega un petición na Comicion di Commonwealth Games,pidiendo asistencia di Sr.Ronald Leito y Sra.Mayens Tromp como oficialnan durante e campeonato grandi aki. E campeonato aki ta e equivalente di locual nos conoce como e Koningkrijks Spelen den reino Hulandes,y ta cubri e islanan y teritorionan Ingles.E biaha aki nan ta tumando lugar na Nassau,Bahamas di 18 di juli te cu 23 di juli 2017. Ta un gran honor cu nos oficials di AZB a wordo invita pa forma parti di e equipo di oficialnan di landamento durante e competencia aki. E invitación a inclui cobertura di tur gasto di biahe,estadia y gastonan extra den caso cu surgi necesidad pa cu esaki. AZB ta desea nos oficialnan tur clase di éxito durante e competencia.
