Riba nan prome dia di trabou y durante e prome reunion oficial di Conseho di Minister, a invita Obispo Luis Secco y Pader Toti pa bendiciona tur 8 Minister y nan staff cu awe ta inicia un trayecto nobo como gobernante di nos pais.
Durante eleccion di dia 22 di september ultimo, partido AVP a logra 23.376 voto cu tabata bon pa 8 asiento y a logra un “restzetel” pa yega 9 asiento. AVP a bay atras cu 9.728 voto compara cu eleccion di 2013.
Partido AVP a sali e di dos partido mas grandi cu 22.061 voto cu tabata bon pa 7 asiento pero a logra 2 “restzetel” y asina a alcansa 9 asiento. MEP a conoce un adelanto di 4.408 voto compara cu eleccion di 2013.
E partido nobo POR a ranca sali cu 5.531 voto den su prome salida. Aunke e top 3 candidatonan a bay fuertemente atras, e partido a logra sigura 2 asiento solido.
Partido RED Democratico a acomula 4.166 voto, cu tabata bon pa 1 asiento. Nan a bay dilanti cu 2.957 voto compara cu eleccion di 2013.
Partidonan MEP, POR y RED a logra forma un coalicion di 12 asiento y cu a huramenta diabierna ultimo, cla pa sirbi nos pais. Cu e bendicion di Dios awe, nan ta sigur di haya e guia necesario pa tuma e miho decisionnan pa hiba nos isla padilanti.
