Di forma digital riba un tablet lider di partidonan MEP y RAIZ a firma diahuebs atardi e acuerdo di Gobernacion 2021-2025. Esaki a tuma luga den presencia di un grupo di aproximadamente 75 colega di partido y otro sostenedonan na Nicolaas Store na B v/d Veen Zeppenfeldtstraat.
Na comienso a hiba palabra presidente di San Nicolas Business, Andres Hernandes tabata esun prome pa hiba palabra gradiciendo ambos partido pa a duna oido na e peticion pa “bin pariba”, indicando tambe cu e ta spera di wak e futuro mandatarionan pronto pa benta abou e muraya di refineria pa duna e acceso na beach bek na e pueblo di San Nicolas.
Di su banda, Prome Minister Demisionario y Formado Evelyn Wever Croes a hiba palabra gradiciendo tur esunnan cu a aporta na e realisacion di e acuerdo di gobernacion. A señala cu aproximadamente den un siman e nombramento di e diferente minister lo keda, posterior na e proceso di screening cu ya ta canando.
Lider di RAIZ, Ursell Arends tambe a hiba palabra re afirmando nan mensahe y mision di cu San Nicolas mester ta mas cu djis un refineria y expresando su satisfaccion pa con e formacion ta canando y e puntonan principal di e acuerdo di gobernacion.
Pa un relato mas amplio, lesa TREMPAN.