No ta un ni dos, sino e di cinco pashent di Covid-19 a sali ayeranochi for di Aruba rumbo pa Colombia. AZV hunto cu Dr. Horacio E. Oduber Hospital a yega na un acuerdo cu un hospital di Colombia pa tuma pashentnan contagia cu Covid-19 di Aruba, pa interna nan y brinda nan cuido den e unidad di cuido intensivo (ICU) eybou. Mas pashent drenta cuido intensivo, mas e gasto pasobra mesora ta manda nan Colombia pa por mantene cama habri. Awe diahuebs tin dos pashent mas programa pa bay Colombia, un mainta y un otro atardi. Ambos pashent contagia cu Covid y cu no a vacuna.
E pashent cu a sali ayera nochi 11:00 pm pa Colombia abordo di Air Ambulance ta un señora di 77 aña di edad, cu a yega hospital diaranson anochi laat hopi malo, casi no por hala rosea. E pashent obviamente a tarda demasiado pa yega hospital pa ricibi tratamento medico, cu a haci cu asina a intern’e, cu mesora mester a “intubeer” e y mand’e den e unidad di cuido intensivo pa pone riba mashin. Teniendo na cuenta su edad y e condicion cu e ta aden, specialistanan a opta pa no core mucho risico cu ne y mand’e Colombia su mañan mes pa brind’e cuido den hospital na Colombia. Pa mas informacion y detaye, lesa e edicion di TREMPAN di awe.
