Nan nomber ta conoci pa hopi aña caba como estafador. Awe Gerla Penja cu ta pareha di Frank Weise ta forma parti di estafanan contra nos ciudadanonan cu ta traha duro pa nan placa.
E estafador y autor principal ta Frank Weise cu den pasado a comete basta estafa. Ora su mascarada cay na Aruba, e ta disparce pa algun tempo y djey ta bay sea Curacao of Hulanda pa sigui cu e wega di estafa. Djey ora tera ta fertil pa mas estafa, e ta bolbe Aruba y sigui te ora victimanan ta sali publicamente pa expone e estafador Frank Weise cu ta acompaña pa Gerla Penja. Algun siman atras el a dal basta hende abou na un construccion andando.
Tuma placa y keda sin cumpli cu trabou y e trahadornan. Awor tambe el a bay cerca un comerciante cu ta bende auto y cu bunita storia. E estafadornan aki ta bon manipulador y facilmente ta pinta cosnan bunita y asina kita sea propiedad of placa for di bo. Como dos luna pasa Frank Weise a bay cerca e bendedor di auto y tuma dos auto. Un pickup nobo nobo y un Mercedes Benz casi nobo balora na 75 mil florin. El a haci su show algun dia largo y djey bin pidi pa bay cu e Mercedes Benz pasobra banco kier mire. Dor cu ta auto segunda mano, banco mester mira e auto pa financia esaki. Cu tur confiansa e comerciante a lage bay cu e auto djis un rato pa trece bek. Nunca mas el a trece e auto y nunca el a bay banco. E ta core rond cu e auto. Es mas ora a bay cu e auto a firma un contrato tambe y den dje poni un deposito di 25 mil florin cu nunca el a trece. A pasa mas cu un luna y a busca su drechi y mester a tende hopi storia. Hasta e storia cu e tin contrato den Parke Arikok. Finalmente a cuminsa sospecha cu Frank Weise y Gerla Penja a sea bende e auto Mercedes Benz of a hipoteca e auto pa placa. E mes a logra admiti di a pone e auto cu no ta di dje como borg pa 15 mil florin. E doño atrobe no ta tende nada di Frank Weise y a cuminsa cana caminda legal contra Frank Weise. A notifica autoridad tambe. A auto Mercedes Benz ta scondi. A logra haya solamente e pickup nobo cu tambe el a bay cune y no a cumpli cu su pago. A bay den publicidad cu e asunto aki pa asina pueblo yuda cu e buskeda di e auto. Ora a pone den publicidad, Gerla a aparece cu su lagrimanan pa no bay den publicidad. A bisa cu lo trece e auto y yabi siguiente dia y nunca a cumpli. Esey nifica cu ta sigui pidi yudansa di pueblo pa haya e Mercedes Benz blanco. E foto di e Mercedes Benz tambe nos ta pone hunto cu e dos estafadornan. Si abo mira of sa di e Mercedes Benz blanco aki cu number A-978 riba dje, yama 7325523. Lo tin recompensa. Y pueblo habri boso wowo pa asina evita cu e pareha Gerla Penja y Frank Weise ta sigui estafa hende na Aruba y rond mundo.
