Un batayon di polis a sali na careda pa un asistencia den parkeerplaats di Departamento di Impuesto su oficina principal na Camacuri.
Alrededor di 11:00 AM un hende lo a bati alarma cu tin hende ta manda auto riba otro y ful un situacion ta andando. Practicamente un intento di asesinato cu auto, caminda a informa polis cu un hende lo kier a pasa auto riba un otro persona den dicho parkeerplaats.
Polis no a pensa dos biaha y bay den cantidad pa atende cu e situacion. Na final a resulta cu dos auto a bay reverse y lo a dal den otro. Un di e partidonan a duna intencion cu lo kier a bandona e sitio. Polis a scual y intermedia den e situacion cu na final no tabata para tanto.
