Mr. Evelyn Wever Croes, prome minister tabata presente den conferencia di prensa di gobierno riba adaptacion di medidanan. Esaki tabata necesario despues cu e cantidad di casonan positivo a cuminsa lanta cabes atrobe.
Den e conferencia a anuncia cu ningun evento publico ta haya permiso. Prome minister Wever Croes mes a bisa cu e por corda cu aña pasa caba a cancela campamento, cual tabata net despues cu e pandemia a yega Aruba.
Aunke cu e ta duda cu campamento por tuma luga mirando e situacion actual, e no por a confirma cu ta cancela esaki. “Mi mester bay averigua esey,” el a bisa prensa.
Pa loke ta cantamento den misa, esey, el a bisa, ta algo cu personalmente e lo no recomenda. A pesar cu e ta consciente cu e ta un expresion di fe.
